Sunderland niðurlægði Stoke

Sunderland rúllaði yfir lánlaust lið Stoke 4-0 á Leikvangi Ljóssins í Sunderland í dag.

Sunderland-menn voru svo sannarlega á skotskónum í dag en þeir skoruðu þrjú mörk á fyrsta hálftímanum gegn Stoke á Leikvangi Ljóssins í Sunderland.

Titus Bramble gerði fyrsta mark Sunderland eftir aðeins fimm mínútna leik.

Aðeins fimm mínútum síðar varð Jonathan Woodgate, leikmaður Stoke, fyrir því óláni að skora sjálfsmark. Craig Gardner gerði síðan þriðja mark Sunderland í leiknum og staðan var 3-0 í hálfleik.

Sebastian Larsson skoraði fjórða mark heimamanna þegar hálftími var til leiksloka. 



Staðan í ensku úrvalsdeildinni