Peter Reid rekinn frá Plymouth

Enska knattspyrnufélagið Plymouth rak í dag stjóra félagsins Peter Reid, en liðið er í neðsta sæti ensku 2. deildarinnar.

Stjórn félagsins ákveð að reka knattspyrnustjórann eftir að liðið tapaði fyrir Southend á laugardaginn og áttunda tap félagsins í röð staðreynd.

Peter Reid tók við liðinu á miðju tímabili á síðustu leiktíð og náði ekki að halda því upp í 1. Deild, en núna virðist Plymouth vera í frjálsu falli og útlit fyrir að félagið falli enn frekar niður.

Mikil fjárhagsleg vandræði hafa verið hjá félaginu á undanförnum árum, en Íslendingurinn Kári Árnason lék með Plymouth á síðasta tímabili en fór frá félaginu þar sem það gat ekki staðið við launagreiðslur.