Martin O'Neill er hættur við að taka við West Ham

Framhaldssagan af Avram Grant knattspyrnustjóra West Ham heldur áfram en hann er án efa í ótryggasta starfi Englands. Grant virtist vera búinn að missa starf sitt hjá botnliðinu í gær þegar fregnir bárust af því að Martin O'Neill myndi taka við liðinu. O'Neill er hinsvegar búinn að taka ákvörðun - og hann vill ekki starfið á Upton Park.

Eigendur West Ham eru því aftur á byrjunarreit en margir hafa undrast hvernig tekið hefur verið á málum hjá félaginu hvað varðar knattspyrnustjórastöðuna. Grant heldur sínu striki á æfingasvæðinu en á samat nýtur ekki trausts hjá eigendum félagsins.

Julian Dicks, ein af goðsögnum West Ham, hefur m.a. sagt að eigendur félagsins hafi tekist að gera það að aðhlátursefni.