Krabbamein í gjafalíffærum

Tæplega fimmtug kona lést í Danmörku í síðasta mánuði af völdum illvígs krabbameins eftir að hafa gengist undir lungnaígræðslu á Rigshospitalet.

Stuttu síðar lést annar sjúklingur sem fengið hafði lifur frá sama líffæragjafa. Þriðji sjúklingurinn fékk nýra sem krabbamein hefur greinst í.

Alls fengu fimm sjúklingar líffæri frá líffæragjafanum sem var með alvarlegt og sjaldgæft krabbamein.

Líffæragjafinn hafði fengið heilablæðingu og var úrskurðaður heiladauður. Engin merki voru um að hann væri með einhvern sjúkdóm, samkvæmt upplýsingum frá Rigshospitalet. - ibs