Hestar voru eitt sinn blettóttir

Vísindamenn hafa fundið vísbendingar um að blettóttir hestar hafi eitt sinn gengið um sléttur Evrasíu. Hingað til hafa vísindamenn aðeins fundið erfðaefni svarta og brúna hesta. Þeir telja að blettótti fákurinn hafi verið uppi fyrir rúmum 25.000 árum.

Veggjamyndir fornmanna af hinu forna Evrasíusvæði sýna blettótta hesta. Áður fyrr var talið að hestarnir á veggjunum væru hugarburður frummanna. En nýlegar erfðarannsóknir gefa til að kynna að blettóttir hestar hafi reikað um Evrasíu.

Hestar voru afar algengir í Evrópu fyrir 25.000 árum og voru gríðarlega mikilvægur hluti af mataræði fornmanna. Það er því ekki skrýtið að fyrstu Evrópubúarnir hafi teiknað hesta á veggi sína.