Rússar breyta ekki klukkunni, verða áfram á sumartíma

Rússland hefur ekki sett klukkuna aftur á vetrartíma eins og flestar þjóðir í Evrópu. Dmitry Medvedev forseti landsins hefur ákveðið að klukkan í Rússlandi skuli vera varanlega stillt á sumatímann.

Forsetinn ákvað þetta síðastliðinn vor en ástæðan var að of mikið stress fylgdi því að skipta á milli sumar- og vetrartíma.

Þetta þýðir að myrkur verður lengra fram eftir morgni í Rússlandi en á móti dugir dagsbirtan lengur síðdegis.

Þar sem Rússland er eina landið sem ákveðið hefur að halda sumartíma sínum hefur það valdið nokkrum vandræðum hjá flugfélögum og bönkum landsins.