Jarðskjálfti í Tyrklandi - hús hrundu

Að minnsta kosti fimmtíu slösuðust þegar harðar jarðskjálfti, sem mældist 7,3 stig, skók austurhluta Tyrklands rétt fyrir hádegi í dag. Upptök skjálftans voru við borgina Van, við landamæri Íran, en fjölmiðlar í landinu segja að hús hafi hrunið í miðborginni.

Mikil skelfing greip um sig meðal íbúa. Engar fréttir hafa borist af manntjóni en óttast er að hundruð manna hafi farist. Nokkrir eftirskjálftar fylgdu í kjölfarið og mældist sá stærsti 5,6 stig.

Jarðskjálftar í landinu eru nokkuð algengir vegna brotabelta sem liggja undir landinu.

Árið 1999 létust 20 þúsund manns þegar tveir stórir skjálftar skóku norðvesturhluta landsins.