Vill að sharialögin gildi í Líbíu

Mustafa Abdel Jalil núverandi leiðtogi bráðabirgðastjórnar Líbíu segir að íslömsku sharialögin eigi að mynda grundvöllinn að nýrri stjórnarskrá landsins.

Þetta kemur fram í viðtali við leiðtogann á Reuters. Líbía sé íslömsk þjóð og því muni sérhver lög sem eru í andstöðu við íslamska trú verða ólögleg í landinu, að sögn leiðtogans.

Samhliða þessu notaði Mustafa Abdel tækifærið til að þakka Afríkusambandinu, Sameinuðu þjóðunum og Evrópusambandinu fyrir veittan stuðning við að koma stjórn Muammar Gaddafi frá völdum.