Yfirvöld í Tælandi búa sig undir hið versta

Yfirvöld í Tælandi telja að flóðin þar í landi muni standa yfir í nokkrar vikur í viðbót. Íbúum og fyrirtækjum er sagt að búa sig undir hið versta.

Forsætisráðherra Tælands, Yingluck Shinawatram, sagði í viðtali í dag að nauðsynlegt sé fyrir landið að fyrirbyggja slíkar hörmungar í framtíðinni. Bílaiðnaður Tælands hefur orðið fyrir miklum áföllum í kjölfar flóðanna og telur forsætisráðherra að efnahagslegar afleiðingar flóðanna verði gríðarlegar.

Mikil hætta steðjar að Bangkok, höfuðborgar Tælands, vegna flóðanna og eru íbúar hræddir um að skurðir borgarinnar séu ekki í stakk búnir til að takast á við vatnsflauminn.