Banamaður Wang Yue ákærður fyrir manndráp

24 ára gamall kínverji hefur verið ákærður fyrir að hafa orðið tveggja ára stúlku að bana í Foshan í Kína.

Á myndbandsupptöku sést þegar maðurinn ekur á stúlkuna Wang Yue og yfirgefur síðan slysstað um hæl. Yue lést skömmu síðar.

Atvikið hefur vakið mikinn óhug í Kína en margir vegfarendur gengu framhjá Wang Yue án þess að aðhafast.

Mikil umræða hefur skapast um siðferði og tilfinningaleysi Kínverja í kjölfarið á atvikinu. Mikill fjöldi fólks hefur biðlað til umbóta á samskiptasíðunni Sin Weibo og krefjast þess að Kínverjar snúi baki við sinnuleysi.