Indverji vinnur milljón dollara í spurningarþætti

Maður frá einu af fátækastu héruðum Indlands varð sá fyrsti til að hreppa stærsta vinning í indverskri útgáfu spurningarþáttarins Viltu vinna milljón.

Vinningshafinn, Sushil Kumar, er 27 ára gamall og starfar sem tölvuleiðbeinandi í Bihar fylki í Indlandi.

Bróðir Kumars sagði að hann hefði verið vel undirbúinn fyrir þáttinn. Hann sagði að bróðir sinn hlustaði mikið á BBC og þaðan kæmi þekking hans.

Kumar sagði sjálfur að sigurinn hefði komið honum á óvart. Hann giftist fyrir fimm mánuðum og þénar 17.000 kr íslenskar á mánuði.

Velgengni Kumar svipar mjög til kvikmyndarinnar Slumdog Millionaire frá árinu 2008.