Berbatov bregður sér stundum í vörn á æfingum

Michael Owen, leikmaður Manchester United, segir að Dimitar Berbatov sé fínn varnarmaður og að hann bregði sér stundum í það hlutverk á æfingum.

Berbatov náði að hreinsa af línu í tvígang í upphafi leiksins og spilaði svo sem miðvörður við hlið Michael Carrick síðustu tíu mínútur leiksins. Það var vegna meiðsla hins unga Ezekiel Fryeres.

„Berba getur vel spilað í vörninni enda gerir hann það stundum á æfingum,“ sagði Owen eftir leikinn í gær. „Það kom því ekki á óvart þegar hann rétti upp hönd og bauð sig fram í vörnina.“

Owen skoraði tvö mörk í 3-0 sigri United í leiknum og var ánægður með frammistöðuna. „Það er frábært að spila í liði sem er fullt sjálfstrausts. Við gerðum út um leikinn strax í fyrri hálfleik og þar sem þeir vildu ekki tapað með fimm eða sex marka mun þéttu þeir vörnina í þeim síðari.“