Eto'o: Stuðningsmenn Anzhi eru eins og stuðningsmenn Liverpool

Samuel Eto'o líkar lífið vel í Rússlandi og hefur byrjað vel með Anzhi-liðinu. mep því að skora tvö mörk í fyrstu þremur leikjum sínum. Anzhi keypti hann frá ítalska félaginu Inter í síðasta mánuði og gerði risasamning við Kamerúnmanninn snjalla.

Samuel Eto'o hrósar stuðningsmönnum Anzhi-liðsins í viðtali við heimasíðu félagsins og líkir þeim við stuðningsmenn Liverpool. Eto'o kom á Anfield þegar hann lék með Barcelona og hefur greinilega hrifist mjög af umræddum stuðningsmönnum Liverpool-liðsins.

„Ég og liðsfélagar mínir erum mjög þakklátir fyrir allan þennan stuðning. Þeirra frábæri stuðningur sér til þess að við verðum aldrei einmanna á útivöllum. Þeir eru eins og stuðningsmenn Liverpool með heimsfræga sönginn sinn; "You'll Never Walk Alone", " sagði Samuel Eto'o.