Sörensen hefur aldrei tapað vítakeppni

Danski markvörðurinn Thomas Sörensen heldur því fram að hann hafi aldrei tapað í vítaspyrnukeppni á ferlinum. Lið hans, Stoke, vann einmitt 7-6 sigur á Tottenham í vítaspyrnukeppni í enska deildabikarnum í gær.

Sörensen tryggði sínum mönnum sæti í fjórðu umferð keppninnar með því að verja frá hinum unga Massimo Luongo í bráðabana vítaspyrnukeppninnar í gær.

Stoke virðist vera gott bikarlið en liðið komast alla leið í úrslit ensku bikarkeppnininar í fyrra.

„Ég held að ég hafi aldrei tapað í vítaspyrnukeppni og það var fínt að það breyttist ekki í kvöld,“ sagði hann við enska fjölmiðla eftir leikinn í gær en Sörensen er 35 ára gamall.

„Stundum er betra að treysta á innsæið en að hugsa of mikið. Þetta voru margar góðar spyrnur frá báðum liðum og þó svo að ég hafi farið í rétt horn í mörg skipti var ómögulegt að verja margar þeirra.“