Wilshere frá í langan tíma - þarf að fara í uppskurð

Jack Wilshere leikmaður Arsenal þarf að fara í uppskurð á hægri ökkla að sögn forráðamanna Arsenal. Talið var að meiðsli Wilshere myndu aðeins halda honum frá keppni í nokkrar vikur. Fréttirnar eru enn eitt áhyggjuefnið fyrir Arsene Wenger, knattspyrnustjóra félagsins.

„Félagið hefur fengið ráðleggingar frá fagfólki um allan heim varðandi meiðslin sem Jack hefur glímt við. Nýjustu upplýsingar hljóða þannig að hann þurfi að fara í uppskurð til þess að fá bót meina sinna. Reiknað er með að Wilshere verði frá í nokkra mánuði. Það kemur betur í ljós eftir uppskurðinn,“ segir á heimasíðu Arsenal.

Uppskurðurinn er fyrirhugaður á mánudaginn.