Dregið í enska deildabikarnum - United mætir Aldershot

Dregið var í fjórðu umferð enska deildabikarins í knattspyrnu í dag. D-deildarfélagið Aldershot datt í lukkupottinn en liðið fékk heimaleik gegn Englandsmeisturum Manchester United.

Aldershot er lægst skrifaðasta félagið af þeim sem enn eru með í keppninni. Liðið lagði Rochdale í síðustu umferð en hafði áður slegið út West Ham og Carlisle.

Chelsea á erfitt verkefni fyrir höndum en liðið sækir Everton heim á Goodison Park. Liverpool fær tækifæri til að hefna ófaranna gegn Stoke í deildinni en liðin mætast á Britannia.

Arsenal mætir Bolton en liðin mættust í ensku úrvalsdeildinni í dag þar sem heimamenn höfðu betur.

DrátturinnWolves - Manchester City

Cardiff - Burnley

Blackburn - Newcastle

Arsenal - Bolton

Stoke - Liverpool

Aldershot - Manchester United

Crystal Palace - Southampton

Everton - Chelsea

Leikirnir fara fram 24. og 25. október.