Þrælar frelsaðir í Englandi

Lögreglan í Englandi bjargaði 24 þrælum úr haldi í morgun. Yfir hundrað lögreglumenn tóku þátt í aðgerðunum sem snéru að þrælahaldi í Bedfordskíri í Englandi.

Þrælunum var haldið föngnum í hjólhýsahverfi. Þrír karlar og ein kona hafa verið handtekin vegna málsins.

Þrælarnir, sem eru ýmist frá Englandi og Austur-Evrópu, eru allir karlmenn. Talið er að sumir þeirra hafi verið í haldi í allt að fimmtán ár.

Málið er hið óhugnanlegasta en mönnunum var haldið föngnum við mjög ómannúðlegar aðstæður. Lögreglan rannsakar málið, sem er litið mjög alvarlegum augum samkvæmt breskum fjölmiðlum.