Stjörnumenn halda áfram að stríða toppliðinum - myndir

Stjörnumenn ætla heldur betur að setja sitt mark á baráttuna um Íslandsmeistaratitilinn á lokasprettinum þrátt fyrir að eiga ekki möguleika á því að vinna titilinn sjálfir.

Stjarnan vann 3-2 sigur á ÍBV í 19. umferð Pepsi-deildar karla í gær og hefur þar með tekið sjö stig út úr leikjum sínum á móti efstu þremur liðunum á síðustu vikum. Stjarnan vann áður 4-0 sigur á FH og gerði 1-1 jafntefli við KR á KR-vellinum.

Bjarki Páll Eysteinsson, Daníel Laxdal og Halldór Orri Björnsson skoruðu fyrir Stjörnuna en Aaron Spear og Tryggvi Guðmundsson gerðu mörk Eyjamanna.

Vilhelm Gunnarsson, ljósmyndari Fréttablaðsins og Vísis, var á leiknum á Stjörnuvellinum í gærkvöldi og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.