Dalglish hefur ekki áhyggjur af Gerrard

Kenny Dalglish, stjóri Liverpool, segist ekki hafa áhyggjur af því að Steven Gerrard verði ekki sami leikmaðurinn og áður eftir að hann snýr til baka eftir meiðsli.

Gerrard hefur verið að glíma við nárameiðsli síðan í mars en gæti komið við sögu um helgina þegar að Liverpool mætir Tottenham. Dalglish hefur viljað hlífa Gerrard og ekki láta hann fara of snemma af stað.

Enskir knattspyurnuspekingar velta því þó fyrir sér hvort að Gerrard verði aftur sá öflugi leikmaður og hann hefur verið undanfarin ár þegar hann snýr til baka.

„Leikmenn eins og Steven myndu styrkja hvaða leikmannahóp sem er. Við viljum vera með eins sterkan leikmannahóp og við getum og hann mun efla okkar hóp.“

„Það er engin spurning um að Steven Gerrard mun styrkja okkar hóp þegar hann er með fulla heilsu. Hann hefur gert mikið fyrir félagið í gegnum tíðina og erum við þakklátir fyrir það.“