Kean nýtur stuðnings eigenda Blackburn

Steve Kean, stjóri Blackburn, segist njóta stuðnings eigenda félagsins en gengi liðsins hefur verið slæmt í upphafi tímabilsins.

Stuðningsmenn félagsins munu efna til mótmælagöngu fyrir leik liðsins í ensku úrvalsdeildinni á morgun. Þeir vilja að Kean verði rekinn.

„Eigendurnir hafa veitt mér sinn fulla stuðning, þrátt fyrir mótmælagönguna. Þeir hafa alltaf stutt mig og munu gera það áfram,“ sagði Kean við enska fjölmiðla.

„Það er enginn óánægðari með gengi liðsins en ég og leikmenn liðsins. Við teljum að við höfum spilað nægilega vel til að fá þrjú stig í leikjunum, hvað þá eitt.“