Loftárásir Nató á Sirte í nótt

Talsmaður Muammar Gaddafi segir loftárásir Nató á Sirte í nótt hafa drepið 354 manns. Lofárásirnar lentu á íbúðarhúsi og hóteli. Þetta fullyrti hann í viðtali við Reuters, en fullyrðingar hans hafa ekki verið staðfestar, enda hefur verið lokað á mest öll samskipti frá bænum síðan Tripoli féll.

Nató hefur ekki gefið frá sér yfirlýsingu vegna atviksins.

Talsmaðurinn, Moussa Ibrahim að nafni, sagði Gaddafi sjálfan hafa stýrt aðgerðum hersveita sinna sem berjast nú við uppreisnarmenn í Líbíu um yfirráð bæjarins.

Ibrahim sagði að síðustu 17 daga hafi yfir 2000 íbúar bæjarins látið lífið af völdum loftárása Nató í Sirte.