Fékk átján nýja leikmenn í sumar

Chris Powell, stjóri Charlton, hafði nóg að gera í sumar en hann endurnýjaði leikmannahóp liðsins að stóru leyti. Átján leikmenn yfirgáfu félagið og fékk hann sextán nýja leikmenn í þeirra stað.

„Þetta er algjörlega nýr hópur af leikmönnum,“ sagði Powell sem hugsaði mikið um þessi mál í sumar. „Það er stundum erfitt að vera knattspyrnustjóri - halda öllum ánægðum, ná góðum úrslitum og byggja upp gott lið.“

„Ég tók við þessu starfi á miðju síðasta tímabili og reyndi að meta þá leikmenn sem voru til staðar hjá félaginu. Þetta var því allt með ráðum gert,“ sagði Powell sem tók við snemma á þessu ári.

Charlton lék síðast í ensku úrvalsdeildinni árið 2007 en var komið í ensku C-deildina aðeins tveimur árum síðar. Nýir eigendur keyptu félagið í janúar síðastliðnum og réðu Powell til starfa aðeins nokkrum dögum síðar.