Villas-Boas: Úrslitin hafa enga þýðingu

Andre Villas-Boas, stjóri Chelsea, segir að útoma leiks sinna manna gegn Manchester United muni ekki hafa neina sérstaka þýðingu fyrir liðin. Það sé enn langt og strangt tímabil fram undan.

Chelsea og United mætst í stórleik helgarinnar í ensku úrvalsdeildinni og hefst hann klukkan 15.00.

„Mikilvægi leiksins fyrir okkur er ekki mikið. Það skiptir máli að leikmenn nýti sína hæfileika og njóti þess að spila,“ sagði Villas-Boas á blaðamannafundi fyrir leikinn.

„Ef knattspyrnustjórar eru dæmdir fyrir verk sín eftir aðeins fimm leiki er það merki um að eitthvað sé að hjá eigendum félagsins frekar en stjórunum sjálfum,“ bætti hann við.

Villas-Boas er aðeins 33 ára gamall og því einn allra yngsti knattspyrnustjóri Englands. Stjóri Manchester United, Alex Ferguson, er 69 ára gamall og hefur stýrt United í aldarfjórðung.

„Ég man ekki einu sinni hvað ég var gamall þegar hann tók við. Ég var þá ástfanginn af Porto og var ekki víðsýnni en það. Ást mín á ensku úrvalsdeildinni kom síðar.“