Wenger: Ég hef áhyggjur af liðinu

Arsene Wenger, knattspyrnustjóri Arsenal, átti ekki til orð eftir ósigurinn gegn Blackburn Rovers í dag en félagið tapaði 4-3. Arsenal varð fyrir því óláni að gera tvö sjálfsmörk í leiknum og koma þessi úrslit verulega á óvart þar sem Blackburn hefur ekki verið sannfærandi það sem liðið er af deildarkeppninni.

Aðeins tvö lið í sögu ensku úrvalsdeildarinnar hafa fengið fleiri mörk á sig á þessum tímapunkti í deildarkeppninni en þau eru Southampton á tímabilinu 1998/99 og Derby á tímabilinu 2007/08 sem segir hversu alvarleg staðan er hjá lærisveinum Arsene Wenger. Arsenal er aðeins með fjögur stig í deildinni og hefur fengið á sig 14 mörk.

„Við fengum ótrúlega mörg færi í þessum leik og til að bæra gráu ofan á svart þá skoruðum við tvö sjálfsmörk, stundum er fótboltinn ósanngjörn íþrótt og erfið að skilja“.

„Í augnablikinu er vörn okkar virkilega brothætt og með lítið sem ekkert sjálfstraust, en það hefur verið erfitt fyrir leikmennina að jafna sig eftir hamfarirnar á Old Trafford“.

„Þú getur ekki leyft þér að koma á þennan völl og fá fjögur mörk á þig“.

Þessi byrjun hefur sett fram ákveðið spurningarmerki um hæfileika Wenger sem knattspyrnustjóra og hvort hann sé komin á endastöð með liðið.

„Það eru alltaf vangaveltur um starf knattspyrnustjóra og ég get lítið gert í því. Markmiðið mitt er núna að einbeita mér að framtíðinni og koma liðinu á þann stað sem það á heima“.

„Eftir frammistöðuna í dag þá hef ég miklar áhyggjur af liðinu. Við sköpuðum fullt af færum en náðum ekki að nýta þau. Leikmenn eru hreinlega ekki nægilega einbeittir“.