Hargreaves gæti verið á leiðinni til Manchester City

Þau merkilegu tíðindi berast nú frá Englandi að Owen Hargreaves sé á leiðinni í læknisskoðun hjá Manchester City, en Hargreaves hefur verið hjá erkifjendunum í Manchester United undanfarinn ár.

Hargreaves hefur átt við þráðlát meiðsli að stríða  í nokkur ár og leik afar fáa leik fyrir United frá því að hann gekk til liðsins árið 2007 frá Bayern Munich.

Hargreaves fór frá Man. Utd. í sumar en samningur hans við félagið var runninn út og ekki lengur þörf fyrir þjónustu hans hjá klúbbnum.

Miðjumaðurinn hefur verið orðaður við Tottenham og Aston-Villa í sumar, en Manchester City hefur aldrei verið í umræðunni.

Hargreaves lék aðeins í fimm mínútur á síðasta tímabili, en hann þurfti að fara af velli meiddur gegn Wolves í september.

Það er aftur á móti langur vegur frá því að leikmaðurinn skrifi undir samning við City þar sem hann á eftir að standast læknisskoðun.