Redknapp: Milljón prósent líkur á að Modric verði áfram

Harry Redknapp, knattspyrnustjóri Tottenham, segir milljón prósent líkur á því að Luka Modric verði áfram í herbúðum Tottenham. Hann segir David Bentley þó þurfa að komast til annars félags.

Fjallað hefur verið um það í allt sumar að Modric væri líklega á leið til Tottenham. Hann var ekki í leikmannahópi liðsins í fyrsta leik félagsins í ensku úrvalsdeildinni í ár sem þótti renna stoðum undir orðróminn að hann væri á förum. Redknapp útilokað það í samtali við Sky-fréttastöðina í dag.

„Augljóslega hefur verið mikið rætt um Luka en stjórnarformaðurinn hefur staðið fast á sínu og Modric er ekki til sölu," sagði Redknapp.

Redknapp sagðist þurfa að skoða málin með Peter Crouch og David Bentley í dag.

„David Bentley þarf að komast annað. Hann hefur mikla hæfileika og hefur verið óheppinn að komast ekki í liðið. Ég hugsa að hann fari eitthvað og hann standi sig vel fyrir annað félag," sagði Redknapp.