Hadzic segist saklaus

Stríðshöfðingi Serba, Goran Hadzic, lýsti sig saklausan fyrir Stríðsglæpadómstólnum í Haag í dag. Hadzic er ákærður fyrir stríðsglæpi og glæpi gegn mannkyni fyrir hlutdeild sína í Júgóslavíustríðinu 1991-1993. Verði hann fundinn sekur bíður hans lífstíðarfangelsi.

Hadzic er meðal annars sakaður fyrir að pynta 260 manns, sem var smalað útaf spítala í umsetnum bæ og drepnir á nállægu svínabúi. Hann á einnig að hafa leitt 50 fanga út á engi og skipað svo hermönnum sínum að hefja skothríð þar sem 21 dóu.

Hadzic, 52 ára, var handtekinn í júlí á þessu ári í þorpi í norðurhluta Serbíu, aðeins tveimur mánuðum eftir handtöku Ratko Mladic, sem einnig er ákærður fyrir stríðsglæpi. Handtökurnar koma Sameinuðu Þjóðunum skrefi nær því að ljúka hlutverki dómstólsins sem stofnaður var í Haag til að fjalla um stríðið í Júgóslavíu á árunum 1991-1995.