Fundu heimatilbúinn pyntingaklefa umvafinn sprengjum

Heimatilbúinn pyntingaklefi umvafinn sprengjum fannst í búð í Hamborg nú á föstudaginn. Thomas Fischer, þýskur einfari hafði breytt íbúð sinni í pyntingahreiður þar sem hann geymdi fórnalamb sitt handjárnað í gömlum hljóðeinangruðum símaklefa.

Fórnalambið var 26 ára ísraelsk kona sem Fischer hafði rænt af götunni sama dag. Miðað við græjur og tól í íbúð Fischers er talið að hann hafi áformað að halda henni í einhverja mánuði. Konan slapp þó eftir aðeins tvær klukkustundir í haldi þar sem Fischer hafði gleymt að læsa símaklefanum.

Það óhugnalegasta við þennan atburð er sú staðreynd að Fischer hafði greinilega ætlað að gera ísraelsku konunni illt þar sem skurðarhnífar og þess konar áhöld funndust í íbúðinni ásamt tannlæknaverkfærum og sprengjum. Einnig fundust fleiri en eitt óléttupróf í íbúðinni sem gefur sterklega til kynna að Fischer hafi viljað barna fórnlamb sitt. Fischer og fórnalambið þekktust eilítið en ekkert samband hafi verið á milli þeirra. Talið er að hann hafi haft sjúkann vilja til þess að elta hana uppi og ná henni heim til sín.



Konan náði að sleppa með því að hoppa út um glugga af fyrstu hæð og hlaupa til vinkonu sinnar þar sem samband var haft við lögreglu. Blaðið Mail on Sunday fjallaði um málið og má sjá myndir af klefanum óhugnalega hér.