Undrameðal Berlusconi er jurtate

Hinn fjörmikli forsætisráðherra Ítala,Silvio Berlusconi, hefur ljóstrað upp leyndarmálinu á bak við krafta sína, jafnt pólitíska sem aðra. Undrameðalið er jurtate. Þetta tilkynnti hann eftir að hann horfði á fótboltalið sitt, AC Milan, vinna sigur á erkifjendunum í Juventus.

Berlusconi segir drykinn einnig vera grunninn í sérstökum heilsukúr sem hefur gert honum kleift að missa 4 kg á einni viku. Hann hefur grennst svo undanfarið að ítalska blaðið La Repubblica sagði í frétt á miðvikudaginn að hann væri „ekkert orðinn nema skinn og bein".

Það eru fleiri í stjórnmálunum í sérstökum heilsukúrum, en eins og kunnugt er hefur formaður Framsóknarflokksins, Sigmundur Davíð, tekið upp sérstakan íslenskan kúr. Fróðlegt verður að sjá hvort hann virkar eins vel og jurtateið hans Berlusconi.