United slátraði Arsenal í tíu marka leik

Manchester United gjörsamlega rústaði Arsenal, 8-2, í ensku úrvalsdeildinni í dag en leikurinn fór fram á Old Trafford.

Arsenal hefur orðið fyrir mikilli blóðtöku í byrjun tímabilsins en Cesc Fabregas og Samir Nasri fóru báðir frá félaginu í ágústmánuði.

Þetta hefur greinilega haft gríðarlega áhrif á leik liðsins eins og sást í dag þegar leikmenn Man. Utd. léku sér að Arsenal og gestirnir áttu aldrei möguleika í firnasterkt lið Manchester United.

Danny Welbeck skoraði fyrsta mark leiksins á 22. mínútu og þá opnuðust allar flóðgáttir. Ashley Young skoraði magnað mark nokkrum mínútum síðar. Wayne Rooney kom United í 3-0 fimm mínútum fyrir lok fyrri hálfleiks, en Theo Walcott minnkaði muninn fyrir Arsenal rétt fyrir lok fyrri hálfleiks.

Rooney bætti við tveimur mörkum í síðari hálfleik og fullkomnaði þrennuna. Nani og Park skoruðu einnig sitt markið hver áður en Van Persie náði að skora eitt mark fyrir Arsenal

Rétt áður en Howard Webb, dómari leiksins, flautaði til leiksloka skoraði Ashley Young annað mark sitt í leiknum með frábæru skoti fyrir utan teig.

Ótrúlegum tíu marka leik lauk því með sigri Englandsmeistarana og gríðarleg niðurlæging fyrir leikmenn Arsenal staðreynd.

Staðan í ensku úrvalsdeildinni