Wenger ætlar að ná í Cahill

Enska knattspyrnuliðið Arsenal ætlar sér að klófesta Gary Cahill frá Bolton á næstu dögum en félagskiptaglugginn lokar að miðnætti þann 31. ágúst.

Arsene Wenger, knattspyrnustjóri Arsenal, hefur reynt að fá leikmanninn til liðsins undanfarið en klúbbarnir hafa ekki náð samkomulagi um verð.

Arsenal mun bjóða 12 milljónir punda í leikmanninn og mun hann að öllum líkindum skrifa undir fimm ára samning við Arsenal.

Fyrra boð Arsenal í leikmanninn var upp á sex milljónir punda og því var þverneitað af forráðamönnum Bolton.

Þeir Samir Nasri, Cesc Fabregas og Emmanuel Eboué eru allir farnir frá félaginu og því verður Arsene Wenger að styrkja hópinn.