Tottenham að krækja í Scott Parker

Enska knattspyrnufélagið, Tottenham Hotspurs, er í þann mund að ganga frá samningum við miðjumanninn, Scott Parker, frá West-Ham United.

Þessi 30 ára leikmaður spilaði einstaklega vel á síðustu leiktíð, en hann var kjörinn leikmaður ársins af samtökum leikmanna í ensku úrvalsdeildinni. West Ham féll  aftur á móti niður um deild og því var fastlega búist við því að Parker myndi yfirgefa félagið.

„Það eru samningaviðræður í gangi milli félaganna,“ sagði Sam Allardyce, knattpyrnustjóri West Ham, við fréttastofu Sky Sports.

„Þetta kemur líklega allt í ljós á næstu 24 klukkustundum“.