Wenger ætlar að fá Alex til Arsenal

Arsene Wenger, knattspyrnustjóri Arsenal, hefur greinilega áttað sig á því eftir niðurlæginguna gegn Manchester United í gær að liðið sárvantar fleiri leikmenn og þá sérstaklega varnarmenn.

Enskir fjölmiðlar telja að franski hagfræðingurinn ætli sér að leggja fram tilboð í Alex frá Chelsea, en kaupverðið verður líklega um 8 milljónir punda.

Alex á ekki mikla framtíð fyrir sér hjá Chelsea og kom til að mynda ekkert við sögu þegar þeir bláu unnu Norwich, 3-1, á Stamford Bridge um helgina.