Eiginkona Gaddafis og þrjú börn komin til Alsír

Eiginkona Gaddafis, einræðisherra í Líbíu og þrjú börn hafa flúið heimaland sitt og dvelja nú í Alsír. Þetta staðfestir utanríkisráðherra Alsírmanna. Eftir því sem fram kemur á Sky fréttastöðinni komu þau þangað í morgun. Enginn veit hvar Gaddafi sjálfur er niðurkominn, því ekkert hefur sést til hans frá því uppreisnarmenn réðust inn í Trípolí, höfuðborg Líbíu, fyrir viku síðan. Leiðtogi uppreisnarmannanna segir að þeim standi ennþá ógn af Gaddafi og krefjast þeir áframhaldandi verndar frá herjum Atlantshafsbandalagsins.