Redknapp vill fá Adebayor

Harry Redknapp, stjóri Spurs, hefur nú beint spjótum sínum að framherjanum Emmanuel Adebayor. Hann vill fá leikmanninn frá Man. City og útilokar ekki lánssamning.

Adebayor á enga framtíð hjá City og þrátt fyrir loforð um annað hefur Real Madrid ekki enn gert tilboð í leikmanninn.

Tottenham gæti því nælt í framherjann sem Redknapp hefur lengi verið hrifinn af.

"Stjórnarformaðurinn er búinn að vera í einhverjum viðræðum. Ég veit ekki hvað gerist en við höfum áhuga," sagði Redknapp.