Valsmenn geta tyllt sér í efsta sætið - fimm leikir í Pepsideildinni

Fimm leikir fara fram í kvöld í Pepsi-deild karla í fótbolta þegar 9. umferð hefst. Umferðinni lýkur ekki fyrr en 21. júlí þegar KR tekur á móti ÍBV. Leikur Stjörnunnar gegn Fylki hefst kl. 20.00 í kvöld og verður hann í beinni útsendingu á Stöð 2 sport. Samantektarþátturinn Pepsimörkin er á dagskrá kl. 22.00 á Stöð 2 sport þar sem farið verður yfir öll helstu atvikin úr leikjum kvöldsins.

Þórsarar taka á móti Valsmönnum á Þórsvelli á Akureyri og hefst sá leikur kl. 19.15. Á sama tíma eigast við FH – Grindavík á Kaplakrikavelli í Hafnarfirði, Keflavík – Fram á Nettóvellinum í Keflavík og Víkingar leika gegn Íslandsmeistaraliði Breiðabliks á Víkingsvelli.

KR-ingar eru í efsta sæti deildarinn með 20 stig en Valur gæti með sigri á Akureyri komist í efsta sætið.

Staðan í deildinni er þannig:

1. KR 20 stig

2. Valur 18 stig

3. ÍBV 16 stig

4. Fylkir 14 stig

5. FH 12 stig

6. Stjarnan 11 stig

7. Breiðablik 11 stig

8. Keflavík 8 stig

9. Þór 8 stig

10. Grindavík 7 stig

11. Víkingur R. 6 stig

12. Fram 2 stig.