Viðbúnir öðru Múhameðsstríði

Allir starfsmenn forlagsins Cappelen Damm í Osló voru í dag sendir heim til sín af öryggisástæðum. Forlagið er að senda frá sér bókina Ofríki þagnarinnar eftir danska blaðamanninn Flemming Rose. Það var Rose sem var menningarritstjóri Jótlandspóstsins þegar birtar voru 12 teikningar af Múhameð spámanni sem hleyptu öllu í bál og brand.

 

Í bókinni fjallar hann einmitt um stríðið sem á eftir fylgdi, en það kostaði tugi manna lífið í mótmælaaðgerðum í múslimaríkjum. Danmörk varð einnig skotmark hryðjuverkamanna víða um heim. Talsmaður Cappelen Damm sagði að starfsfólkið hafi verið sent heim þar sem þeir hafi fengið veður af mótmælaaðgerðum vegna útgáfunnar.