Bendtner ætlar að yfirgefa Arsenal

Danski framherjinn Nicklas Bendtner hefur staðfest að hann sé meira en tilbúinn að yfirgefa herbúðir Arsenal í sumar.

Bendtner hefur ekki verið ánægður með hversu fá tækifæri hann hefur fengið hjá Arsenal en hann hefur oftar en ekki mátt sætta sig við bekkjarsetu. Hann skoraði aðeins tvö mörk í vetur þó svo hann hafi skipt um númer sem átti að breyta öllu fyrir hann.

Fjölmörg félög hafa sýnt áhuga á Bendtner. Þar á meðal AC Milan, FC Bayern og Sevilla.

"Ég er 100 prósent ákveðinn í að fara frá Arsenal. Ég ætla ekki að eyða öðrum vetri á bekknum," sagði Bendtner.