Fundu 27 höfuðlaus lík í Guatemala

Höfuðlaus lík 25 karla og tveggja kvenna hafa fundist við bóndabæ í Guatemala nálægt landamærunum að Mexíkó.

Lögreglan í Gutemala telur nær öruggt að líkfundur þessi tengist átökum glæpagengja sem berjast um yfirráðin á svæðinu en norðurhluti Guteamala er áfangastaður í víðtæku fíkniefnasmygli glæpagengjanna milli Suður Ameríku og Bandaríkjanna.

Talsmaður lögreglunnar segir að líkfundurinn sé mesta fjöldamorð í nútímasögu landsins en það lítur út fyrir að fólkið hafi lent í umsátri og verið skotið til bana með vélbyssum áður en höfuðin voru skorin af líkunum.