Höfundur Family Guy gerir nýja Flintstones-þætti

Aðdáendur The Flintstones-þáttanna þurfa ekki að bíða lengur eftir nýjum þáttum því FOX sjónvarpstöðin tilkynnti í vikunni að Seth MacFarlane, höfundur Family Guy, ætli að búa til nýja seríu af þessum gömlu og klassísku þáttum.

Framleiðsla á þáttunum hefst í haust og gert er ráð fyrir því að sýningar hefjast árið 2013.

Seth MacFarlane segist hlakka mikið til að takast á við verkefnið. „Ég held að Fred Flintstone hafi verið með því fyrsta sem ég byrjaði að teikna þegar ég var krakki."

Hann segir að í nýju þáttunum verði haldið í gömlu ímyndina og ekki mikil breyting verði á persónunum. „Þeir munu líta alveg eins út, ég mun einungis breyta söguþræðinum."