QPR komið með annan fótinn í ensku úrvalsdeildina

Heiðar Helguson og félagar hans í QPR eru svo gott sem búnir að tryggja sér sæti í ensku úrvalsdeildinni á næstu leiktíð eftir 1-1 jafntefli við Hull City í dag. Heiðar var í byrjunarliðinu hjá QPR í dag sem komst yfir með marki Wayne Routledge á 9. mínútu en Hull City jafnaði leikinn þegar skammt var eftir.

QPR er með 85 stig á toppi ensku B-deildarinnar þegar tveimur leikjum er ólokið. Norwich er í öðru sæti með 80 stig eftir sigur á Derby County í dag. Marlon Jackson kom í veg fyrir að QPR tryggði sér endanlega sæti í ensku úrvalsdeildinni með að skora þrennu í dag. Lokamarkið skoraði hann í lokasókn leiksins og tryggði um leið Norwich sigur í leiknum.

Aron Einar Gunnarsson var í byrjunarliði Coventry City sem tapaði fyrir Middlesbrough á útivelli, 2-1. Hvorki Ívar Ingimarsson né Brynjar Björn Gunnarsson voru í leikmannahópi Reading sem tapaði á heimavelli fyrir Sheffield United, 2-3.

Leeds United tapaði dýrmætum stigum í dag er liðið tapaði fyrir Crystal Palace á útivelli. Liðið er í harðri baráttu um að komast í umspil um sæti í ensku úrvalsdeildinni en er nú í 9. sæti, þremur stigum frá 6. sæti sem tryggir þátttökurétt í umspilinu. Preston féll niður í ensku C-deildina eftir tap fyrir Cardiff á heimavelli.

Jóhannes Kar Guðjónsson og félagar í Huddersfield höfðu betur gegn Dagenham & R'bridge, 2-1, á heimavelli. Jóhannes Karl kom inná sem varamaður þegar 60. mínútur voru liðnar af leiknum. Kári Árnason lék allan leikinn í 1-0 sigri Plymoth gegn MK Dons. Plymoth er í harðri fallbaráttu en Huddersfield á góðan möguleika á að tryggja sig upp um deild.

Úrslit dagsins í ensku B-deildinni:

Barnsley 2-2 Doncaster R.

Bristol C. 2-3 Nottingham F.

Burnley 1-1 Portsmouth

Crystal Palace 1-0 Leeds U.

Leicester C. 4-2 Watford

Middlesbrough 2-1 Coventry C.

Norwich C. 3-2 Derby County

Preston North End 0-1 Cardiff C.

Queens Park R. 1-1 Hull C.

Reading 2-3 Sheffield U.

Scunthorpe U. 1-2 Millwall

Swansea C. 4-1 Ipswich T.

Staðan í ensku B-deildinni:

1 QPR 85 stig

2 Norwich 80

...

3 Cardiff 79

4 Swansea 74

5 Reading 73

6 Nott'm Forest 69

...

7 Millwall 67

8 Burnley 67

9 Leeds 66

10 Hull 64

11 Leicester 63

12 Watford 61

13 Ipswich 59

14 Portsmouth 57

15 Middlesbrough 56

16 Bristol City 54

17 Coventry 53

18 Barnsley 52

19 Derby 49

20 Crystal Palace 47

21 Doncaster 47

...

22 Sheff Utd 41

23 Scunthorpe 41

24 Preston 39