Auðveld stærðfræði þvældist fyrir Dowie

Stærðfræði er augljóslega ekki ein af sterkari hliðum knattspyrnustjórans Ian Dowie sem nú starfar sem sérfræðingur fyrir Sky Sports.

Eftir 2-5 leik Inter og Schalke í Meistaradeildinni sagðist Dowie ekki hafa hugmynd um hvað Inter þyrfti að skora mörg mörk til þess að komast áfram.

Hann taldi þó líklegt að þau þyrftu að vera í kringum sjö. Paul Merson benti honum þá góðfúslega á að 4-0 myndi duga.

Hægt er að horfa á þessa mögnuðu uppákomu hér að ofan en mikið hefur verið hlegið af Dowie í dag og þeirri staðreynd að hann hafi fengið hundruðir milljóna til umráða er hann var stjóri.