Viðræður um kjarnorkuáætlun Norður-Kóreu hefjast

Diplómatar frá Bandaríkjunum og Norður-Kóreu hittast í dag í Genf til að ræða um kjarnorkuáætlun asíuríkisins.

Talsmenn samninganefndanna vildu ekkert gefa upp um hver markmið viðræðanna væru en talið er að sendiherrar Bandaríkjanna muni krefjast þess að yfirvöld í Pyongyang, höfuðborgar Norður-Kóreu, gangist að nýju undir samþykkt ríkjanna frá árinu 2005.

Sú samþykkt gerði ráð fyrir að Norður-Kórea hætti við kjarnorkuáætlun sína í skiptum við bætt samskipti við nágranna sína í Asíu.