Atletico hafnaði 52 milljón punda tilboði frá Chelsea

Chelsea bauð 52 milljón pund í tvo leikmenn spænska liðsins Atletico Madrid, þá Sergio Aguero og Diego Godin en spænska félagið hafnaði því. Atletico hefur einnig hafnað 39 milljón punda tilboði Real Madrid í Sergio Aguero.

„Atletico sagði nei við þessum tilboði af því að við höfum mikla trú á þessum tveimur leikmönnum," sagði Miguel Angel Gil, meirihluta eigandi félagsins.

Aguero er 22 ára argentínskur framherji sem hefur skorað sjö sinnum í spænsku deildinni á þessu tímabili. Godin er 24 ára varnarmaður sem hefur spilað 43 landsleiki fyrir Úrúgvæ.

Aguero er tengdasonur goðsagnarinnar Diego Maradona en Atletico Madrid keypti Aguero á 20 milljónir punda frá argentínska félaginu Independiente árið 2006. Godin kom til félagsins frá Villarreal í ágúst síðastliðnum.

Það hefur ekki gengið nógu vel hjá Chelsea að kaupa leikmenn upp á síðkastið því Benfica hafnaði 17 milljón punda tilboði Chelsea í varnarmanninn David Luiz í desember.