Umfjöllun: Frömurum var refsað fyrir að klára ekki leikinn

Fram og Keflavík skildu jöfn í leik liðanna í 8. Umferð Pepsi-deildarinnar í kvöld. Framarar voru betri á löngum köflum en Keflvíkingar uppskáru jöfnunarmark eftir mikla baráttu.

Alan Sutej var í miðverðinum hjá Keflvíkingum þar sem Haraldur Freyr Guðmundsson var ekki með. Brynjar Örn Guðmundsson var í vinstri bakverðinum og hann var greinilega sá sem sækja átti á í byrjun.

Framarar sóttu án afláts fyrstu fimmtán mínúturnar, oft upp hægri kantinn og sköpuðu nokkur fín færi. Eftir aukaspyrnu utan af kanti kom eina mark hálfleiksins, Almarr Ormarsson tók aukaspyrnu og sendi inn í teig, Kristján Hauksson snerti boltann nóg til að trufla Ómar í markinu og staðan 0-1.

Ómar virkaði óöruggur í markinu, hann greip nokkrum sinnum inn í án þess að grípa boltann og hann gat ekki spyrnt sjálfur út vegna meiðsla sinna. Sóknarleikur Keflvíkinga var slakur, þeir ógnuðu markinu nánast ekkert. Þeir náðu ekki upp neinu spili og sköpuðu ekkert.

Staðan 0-1 í hálfleik fyrir Fram, verðskulduð staða.

Lítið breyttist í seinni hálfleik. Jafnræði var með liðunum og fátt markvert gerðist. Keflvíkingar vildu fá víti þegar boltinn virtist fara í hönd eins Framarans en ekkert var dæmt.

Bæði lið fengu ágæt færi en Keflvíkingar færðu sig loks upp á skaptið um miðbik hálfleiksins og uppskáru jöfnunarmark. Magnús Sverrir skoraði þá með flottu skoti í markvinkilinn.


Framarar skutu í stöngina og sköpuðu miklar hættur en það gerðu Keflvíkingar líka.

Jafnræði var með liðunum út leikinn sem lauk með 1-1 jafntefli.



Keflvíkingar geta vel við unað en Framarar hefðu átt að vera búnir að skora og tryggja sér sigur. Þeir voru miklu betri fyrstu 20 mínúturnar og betri fram að jöfnunarmarkinu.



En barátta Keflvíkinga var góð og þeir uppskáru vel.

Keflavík – Fram 1-1


0-1 Kristján Hauksson (3.)

1-1 Magnús Sverrir Þorsteinsson (74.)

Áhorfendur: 1162

Dómari: Þóroddur Hjaltalín Jr. 6

Tölfræði:

Skot (á mark): 8-13 (5-7)

Varin skot: Ómar 4 – Hannes 4

Horn: 6-7

Aukaspyrnur fengnar: 22-18

Rangstöður: 2-2

Keflavík 4-3-3


Ómar Jóhannsson 6


Guðjón Árni Antoníusson 5


Alen Sutej 6


Bjarni Hólm Aðalsteinsson 6


Brynjar Örn Guðmundsson 4


Andri Steinn Birgisson 4


Hólmar Örn Rúnarsson 5


Paul McShane 5

Jóhann Birnir Guðmundsson 5


(28. Magnús Þórir Matthíasson 6)


Magnús Sverrir Þorsteinsson 6


Guðmundur Steinarsson 4

Fram: 4-3-3

Hannes Þór Halldórsson 6

Jón Orri Ólafsson 6

Kristján Hauksson 7* ML

Hlynur Atli Magnússon 7

Sam Tillen 6

Halldór Hermann Jónsson 6

Jón Gunnar Eysteinsson 5

Almarr Ormarsson 5

Tómas Leifsson 6


(80. Joe Tillen -)

Hjálmar Þórarinsson 6


(80. Kristinn Halldórsson -)

Ívar Björnsson 6


(80. Guðmundur Magnússon -)