Chris Hughton rekinn frá Newcastle

Newcastle United hefur ákveðið að rifta samningi við knattspyrnustjórann Chris Hughton en stjórn félagsins er ekki ánægð með gengi liðsins að undanförnu.

Newcastle tapaði 3-1 fyrir West Brom í gær en það hefur verið í umræðunni í nokkurn tíma að Hughton væri valtur í sessi.

Hughton stýrði Newcastle aftur í úrvalsdeildina á síðasta tímabili eftir að liðið féll tímabilið 2009-10. Liðið er sem stendur í ellefta sæti deildarinnar með fimm sigra í sextán leikjum.

Stjórn Newcastle segir í tilkynningu að hún telji að liðið þurfi að fá reynslumeiri knattspyrnustjóra við stjórnvölinn. Hughton er þó þakkað góð störf fyrir félagið og honum óskað velfarnaðar í því sem hann tekur sér fyrir hendur.