Houllier vill fá Owen á Villa Park

Samningur Michael Owen hjá Manchester United rennur út næsta sumar. Gerard Houllier, knattspyrnustjóri Aston Villa, fer ekki leynt með áhuga sinn á leikmanninum og vill fá hann til sín.

Houllier og Owen voru saman hjá Liverpool á sínum tíma og er franski knattspyrnustjórinn til í að endurnýja þau kynni.

Þá hefur Houllier sagt frá því að hann var nálægt því að krækja í Cristiano Ronaldo til Liverpool á sínum tíma. Stjórn félagsins kom í veg fyrir þau kaup þar sem hún vildi ekki rjúfa launaþakið. Ronaldo fór til Manchester United og framhaldið þekkja allir.