Brotið blað - Öll liðin skoruðu um helgina

Fimmtánda umferð ensku úrvalsdeildarinnar 2010-2011 kemst í sögubækurnar. Öllum liðum deildarinnar tókst að skora í umferðinni en það er í fyrsta sinn í sögu deildarinnar sem það gerist.

Síðasti leikur umferðarinnar stendur yfir í þessum skrifuðu orðum en það er viðureign Tottenham og Liverpool. Martin Skrtel kom Liverpool yfir og sá síðan sjálfur um að jafna leikinn fyrir Tottenham með sjálfsmarki.

Það hefur heldur betur verið líf og fjör í leikjum helgarinnar og leikmenn verið á skotskónum.