Rannsaka umfang vændisstarfsemi

Danska þingið ætlar að láta rannsaka umfang vændisstarfseminnar í Danmörku. Þingmenn vilja vita hve margar vændiskonur eru starfandi í landinu og hvort þær aðhafist í pútnahúsum eða á götunni.

Berlingske Tidende segir að þegar rætt hafi verið um vændi í Danmörku í gegnum tíðina hafi þeir sem um málið hafa fjallað stuðst við misvísandi tölur. Á því mun nú verða gerð bragabót.

Ellen Trane Nørby, talsmaður hægriflokksins Venstre í velferðarmálum á danska þinginu, segir að það sé nauðsynlegt að átta sig betur á tíðni vændis. Ellegar sé ekki hægt að fást við vandamálið.