Tevez ætlar að fara aftur heim fyrir þrítugt

Carlos Tevez hefur greint frá því að hann er hundþreyttur á lífinu í Evrópu og ætlar að snúa aftur heim til Argentínu áður en hann verður þrítugur.

Tevez hefur lengi verið sagður óánægður í Englandi en plagaður af heimþrá en dætur hans búa í Argentínu.

„Ef þú spyrð mig þá vildi ég gjarnan fá mitt gamla líf í Fuerte Apache-hverfinu aftur. Ég vil ekki spila lengur," sagði Tevez í samtali við fjölmiðla í heimalandinu.

„Ég er þreyttur á fótbolta en ég er líka orðinn þreyttur á þeim sem starfa í fótbolta. Fótbolti snýst aðeins um peninga og mér líkar ekki við það."

Tevez er einnig óánægður með viðhorf ungra knattspyrnumanna í dag.

„Ungu strákarnir halda að þeir hafi náð einhverjum árangri í knattspyrnu bara af því að þeir eiga hús og tvo farsíma."

„Það eru mikið um slæmt fólk í knattspyrnuheiminum í dag og maður er í stöðugri baráttu við þá. Ég ætla að spila fótbolta í Evrópu í 3-4 ár til viðbótar og svo mun ég hætta."

„Ungu leikmennirnir eru algerlega ómenntaðir og ég vil ekki þurfa að hlusta á þá."

„Þegar ég spilaði með Boca voru leikmenn þar eins og Martin Palermo og Juan Roman Riquelme. Ég hlustaði þegar þeir töluðu. Ég vil ekki að ungur leikmaður spyrji mig í klefanum af ég ég gerði hitt eða þetta. Ég myndi kýla hann í andlitið vegna þess að ég hef unnið þrettán titla á ferlinum."